Godtgjering

Godtgjering

Verjene har vanlegvis krav på godtgjering / betaling / lønn for arbeidet som verje. Verjer for nærståande, vil berre ha krav på godtgjering i nokre få tilfelle. I vurderinga av om ei nærståande verje kan få godtgjering, vil statsforvaltaren leggje vekt på omfanget og varigheita til oppdraget. Som hovudregel får du godtgjering etter faste årlege satsar, og storleiken på godtgjeringa avheng av kor arbeidskrevjande oppdraget er og om du er alminneleg eller fast verje.

Frå 1. januar 2025 gjeld desse satsane:

Skjema for søknad om verjegodtgjering er oppdatert slik at det er mogleg å søkje om forhøgd fast sats. Den forhøgde satsen gjeld tidlegst frå tidspunktet statsforvaltaren har fatta vedtak om forhøgd sats.

Unntaksvis kan du få innvilga timegodtgjering. Du må då dokumentere at den faste årlege satsen ikkje gir god nok dekning. Du må òg dokumentere timeforbruket med detaljerte timelister. Timegodtgjering kan til dømes vere aktuelt i oppstartsfasen av eit verjemål, i oppdrag som har kort varigheit eller lite omfang, og i oppdrag med omfattande hjelpebehov. Timesatsen er 400 kroner for faste verjar og 200 kroner for alminnelege verjer. Dersom du meiner at du skal ha timegodtgjering bør du ta kontakt med statsforvaltaren før du utfører arbeidet.

Advokatar som er utnemnde i eigenskap av å vere advokat, og der oppdraget krev juridisk hjelp, blir godtgjorde time for time etter offentleg salærsats. Offentleg salærsats er den fastsette timeprisen som gjeld for offentleg utnemnde advokatar.

Du vil få godtgjeringa etter at arbeidet er utført, og du må sende søknad til statsforvaltaren om godkjenning av kravet om godtgjering.

Godtgjeringa og utgiftene til verja skal som hovudregel dekkjast av verjehavaren. Dersom verjehavaren har ei inntekt og formue som er lågare enn dei grensene som er fastsette i verjemålsforskrifta § 19, skal godtgjeringa og utgiftene likevel blir statsforvaltaren dekt av.

Sjølv om verjehavaren har inntekt og/eller formue som overstig grensene i verjemålsforskrifta § 19 første til tredje ledd kan statsforvaltaren dekkje godtgjeringa og utgiftene til verja dersom betalingsevna til verjehavaren tilseier det.

Utgiftsdekning

Du vil òg ha krav på å få dekt nødvendige utgifter du har hatt i tilknyting til verjeoppdraget. Den faste satsen er sett til 1 000 kroner per år. Dersom du har utgifter som i vesentleg grad overstig den faste satsen for utgiftsdekning, kan du sende ein søknad til statsforvaltaren om å få dekt desse.